ASF EM SIK BILONG OL PIK

• ASF ino save kamapim sik long ol manmeri o ol narapela animel
• Nogat wanpela marasin bilong stopim o oraitim sik ASF
• Yumi ken abrusim dispela sik ASF sapos yumi lukautim na banisim gut ol pik bilong yumi
• Sik ASF ino kamap long sanguma o puripuri

BANISIM OL PIK

Ol pik inoken raunraun nating autsait long banis:

• Putim ol pik insait long haus pik na banisim haus pik.
• Banis bilong haus pik mas istap 2m longwei long haus bilong pik.
• Noken larim kainkain manmeri, animal na kar long kam insait long banis bilong pik.

LUKAUTIM PIK LOng KLINPELA WAY

Klinim haus pik:

• Rausim ol pipia kaikai na pekpek bilong pik olgeta taim.
• Larim ol man/meri yu makim long em tasol long lukautim pik long banis.
• Dispela man/meri mas klinim kolos, su na ol samting bilong wok insait long haus pik pastaim bipo em igo insait na taim em ikam autsait long banis pik.
• Man/meri save lukautim pik mas noken kaikai kuk pik we ol i salim long maket. Dispela ken mekim sik ASF kalap igo long ol pik bilong yu.

TAIM BILONG GIVIM KAIKAI LONG OL PIK

Yu mas save wanem kaikai yu wok long givim long ol pik bilong yu:

• Usim klinpela na gutpela kaikai tasol long fidim pik bilong yu.
• Noken givim pipia kaikai igat pik mit long em long ol pik long kaikai.
• Ol dish bilong pik long kaikai na dring wara long em mas klin.
• Wanwan pik banis mas gat wanwan dish bilong pik long kaikai na dring wara. Noken mixim ol dish long wanpela pik banis igo long narapela banis.

LUKAUT GUT LONG OL NIUPELA PIK WE IKAM INSAIT LONG PIK BANIS BILONG YU

Noken putim ol niupela pik ikam insait long banis kwiktaim:

• Wokim wanpela banis pik longwei liklik long ol narapela pik. Dispela banis em bilong putim ol niupela pik yu kisim ikam long narapela hap na bai yu was long ol inap tupela wik.
• Putim was long ol dispela niupela pik sapos ol isik o nogat. Sapos ol i orait bihain long tupela wik, nau yu ken putim ol dispela ol pik igo stap wantaim ol narapela pik bilong yu.
• Yu mas klinim gut dispela banis bihain long dispela tupela wik.

PUTIM OL SIK PIK LONG NARAPELA HAP

Sapos ol pik gat sik ASF ol iken givim sik long ol narapela pik:

• Sapos pik em isik, hariap tru yu mas rausim go longwei long ol narapela pik.
• Noken kilim sik pik long kaikai. Dispela ken mekim sik ASF kalap igo long ol narapela pik.
• Noken baim o salim pik igat sik ASF.
• Noken kisim ol sik pik long ol narapela hap ikam insait long banis pik bilong yu.
• Noken salim ol sik pik bilong yu igo long narapela peles o manmeri.
• I nogat marasin long stopim sik ASF.

PLANIM GUT OL PIK INDAI

Sapos ol pik idai long sik ASF, dai bodi bilon gpik igat binatang bilong ASF na iken kalap igo long narapela pik:

• Noken tromoi dai bodi bilong pik igo insait long bikpela wara.
• Noken katim, kukim na kaikai ol pik indai long sik ASF.
• Noken givim pik indai long sik ASF igo long ol narapela pik long kaikai.
• Planim ol pik indai long sik ASF inap long 1.5m insait long graun, na longwei long ol wara.
• Senisim na klinim kolos yu bin werim taim yu bin planim ol pik indai.
• Klinim haus bilong pik we i dai na ol samtingbilong wok wantaim pik.